Англиската Премиер лига беше лигата чии клубови потрошија најмногу пари во летниот преоден рок.
Најскапиот трансфер летово беше направен и во Англија, Антони (22) од Ајакс пристигна во Манчестер Јунајтед за сто милиони евра.
Очекувано, редоследот на 10-те најплатени фудбалери во Премиер лигата претрпе промени по неодамна завршениот преоден рок.
Во новиот врвен тим, чиј лидер вообичаено би бил Кристијано Роналдо (37), се најдоа тројца фудбалери кои летово се пласираа во најсилниот шампионат на светот.
Сепак, според The Athletic, бидејќи Португалецот не добил повеќе бонуси за учинок, неговата плата е намалена за околу шест милиони евра, па сега е само 8-ми на ажурираната табела.
Десеттото место го зазема новиот играч на Манчестер Јунајтед, Касемиро со годишна плата од 16,6 милиони евра. По него на деветтото место е Џек Грилиш, кој има 0,1 милион евра помалку плата во Сити.
Како што веќе рековме, Роналдо е осми со плата од 17,2 милиони евра годишно, додека седми е новиот играч на Челзи, Рахим Стерлинг со 18 милиони евра годишно.
На шестото место следи уште еден играч на Манчестер Јунајтед, Рафаел Варан со плата од 19 милиони евра, додека на петтото место ѕвездата на Ливерпул, Мохамед Салах има годишна плата од 19,4 милиони евра.
Со идентична плата на четвртото место има уште еден играч на Манчестер Јунајтед, Џејдон Санчо, додека трет е „ѕверот“ на Манчестер Сити, Ерлинг Халанд (20,9 милиони евра).
Давид де Хеа има иста плата како Халанд, додека прв на листата е најдобриот играч за врска во светот и играчот на Манчестер Сити, Кевин де Брујн, со годишна плата од 22 милиони евра.
