Поранешниот претседател на Баерн Минхен Карл-Хајнц Румениге (66) зборуваше за најзначајните трансфери во историјата на германскиот клуб пред натпреварот помеѓу Баварците и Барселона во Лигата на шампионите.
Во вторник навечер Баерн ја пречекува Барселона во 2.коло од групната фаза на Лигата на шампионите, а во центарот на вниманието секако е Роберт Левандовски. Одличниот Полјак летово потпиша за Каталонците и веќе стана хит со оглед на тоа што нема натпревар на кој не постигне барем еден гол.
Лева на тој начин се враќа во Минхен, каде за осум години правеше чуда, ги освои сите можни трофеи и стана легенда на клубот, а воедно и најдобар странски стрелец во Бундеслигата.
Румениге смета дека Левандовски утре заслужува топло добредојде од навивачите и дека „не смее да се заборави дека тука играше осум години и дека освои се што требаше да се освои додека секоја сезона постигнуваше меѓу 35 и 50 гола“.
„Дојде на слободен трансфер и замина за 45 милиони евра. Придонесе за големиот успех на Баерн“, тврди легендарниот Германец.
За поранешниот шеф на Баерн, Левандовски беше „еден од најважните трансфери во последните 15, 20 години“. Сепак, не најважното.
Рангирањето на Румениге за најважните трансфери на Баерн: „Рибери, Робен, Нојер, Левандовски – по тој редослед“, изјави 66-годишниот.
Со Левандовски, Барса продолжи да прави големи купувања (повеќе од 150 милиони евра) во текот на летото и покрај тоа што беше практично банкрот (повеќе од 1,3 милијарди евра долг).
Тогаш тоа го изненади и тренерот на Баерн, Јулијан Нагелсман (35), кој тоа го коментираше со иронија, а набрзо претседателот на Барселона, Жоан Лапорта му пријде за да му каже дека „подобро да се грижи за себе и неговиот клуб“.
А Румениге смета дека млад и перспективен тренер треба да избегнува вакви медиумски настапи.
„Џулијан не треба да дава никакви политички изјави, тоа е работа на Оливер Кан и Херберт Хајнер. Мислам дека секогаш е најдобро да останете во вашата област на експертиза“.
Сепак, поранешниот играч, кој сега е во Извршниот комитет на УЕФА, вели: „Барса долго време беше репер, пример за нас. Често разговарав за ова со Ули Хенес. За жал, тоа малку се промени во последните години. , бидејќи Барса западна во финансиски потешкотии. Да бидам искрен, финансиите во Шпанија немаат толкава тежина како овде. Ако не недостасуваат спортски резултати, на крајот се може да се уреди. Таму часовниците отчукуваат поинаку. Со повеќе од милијарди евра долгови, би поминал многу непроспиени ноќи“, изјави Румениге.
