Повеќе не постои дилема околу тоа каде ќе игра следната сезона Мауро Икарди, кој минатата сезона ја мина на позајмица во ПСЖ.
Како што беше најавено, сагата заврши, денес е финализиран договорот меѓу ПСЖ и Интер, а Мауро Икарди потпиша договор со ПСЖ на четири години.
Така, Аргентинецот реализираше постојан трансфер во „паркот на принцовите“, а двата клуба потврдија со официјални објави.
Италијанските медиуми пишуваат дека ПСЖ го купил договорот на Икарди за 50 милиони евра, и дека Интер може да заработи дополнителни осум милиони евра врз основа на бонусот. Француските медиуми, од друга страна, ја намалуваат количината на можни бонуси на пет милиони евра.
Mauro Icardi s'engage au Paris Saint-Germain jusqu'au 30 juin 2024.
Le Paris Saint-Germain est heureux d’annoncer la levée de l’option d’achat de @MauroIcardi. L’attaquant de 27 ans était prêté en 2019-2020 par l’Inter Milan.
— Paris Saint-Germain (@PSG_inside) May 31, 2020
Според сè што може да се прочита, договорот меѓу двата клуба опфаќа и „италијанска клаузула“, според која ПСЖ ќе треба да му плати на Интер дополнителни 15 милиони евра ако го проде Икарди во италијански клуб во наредните 12 месеци.
Official: Mauro Icardi’s permanent move to @PSG_English 👉 https://t.co/KLwnxJXO16#FCIM
— Inter ⭐⭐ (@Inter_en) May 31, 2020
За време на сезоната 2019/2020 помината на позајмица во ПСЖ, Икарди направи вкупно 31 настапи за екипата од главниот град на Франција. Тој постигна 20 голови и додаде четири асистенции.
