Нигериските фудбалери го победија Египет со 1-0 во дербито од првото коло од групата Д на Африканскиот куп на нации.
Судирот на еден од главните фаворити за титулата заслужено им припадна на Супер орлите, а епитетот херој му припаѓа на Келечи Ихенач.
Напаѓачот на Лестер го постигна единствениот гол во 30. минута на дуелот во Гару, по асистенција на Џо Ариб.
FULL-TIME! ⏰#TeamNigeria 1-0 #TeamEgypt
🦅 The Super Eagles kick off their campaign with a victory against Egypt ✅#TotalEnergiesAFCON2021 | #AFCON2021 | #NGAEGY pic.twitter.com/04mBEPH4LZ
— CAF Online (@CAF_Online) January 11, 2022
И пред и по тој гол Нигеријците беа подобри од најтрофејниот африкански тим. Иако беа предводени од еден од најдобрите фудбалери на денешницата, Мохамед Салах, фараоните не успеаја да создадат некоја конкретна можност.
Избраниците на Карлос Кеирос одиграа целосно безидејно, за што придонесе и одличната тактичка поставеност на неговиот колега Аугустин Егуавоен.
Нигерија ги затвори сите сите влезови кој голот, се закануваше во неколку наврати по контра-нападот, а најдобрата шанса за поубедливо славје ја пропушти Чидер Ејуке во продолжението.
Нигеријците во следното коло ќе играат против Судан, додека Египет ќе се сретне со Гвинеја Бисао.
