Фудбалерите на Барселона утре на домашен терен го играат мечот од првото коло во Лигата на шампионите против Баерн.
Каталонскиот клуб ќе ја отвори новата сезона во Лигата на шампионите пред своите навивачи против Баерн, што ги засрами во ова натпреварување пред една година.
Баерн потоа ја победи Барселона со 8-2 во четврт-финалето, пораз што Каталонците речиси никогаш не го доживеале во својата историја.
Барса утре ќе има шанса за одмазда, но Роналд Куман се најде во нова неволја бидејќи е јасно дека не може да смета на Мартин Брајтвајт.
Данскиот напаѓач, кој беше прв избор на Куман на почетокот на сезоната, заработи повреда на левото колено и го чека подолга пауза.
Барселона го потврди црното претскажување, а тоа е дека Брајтвајт ќе мора да оди на операција и се очекува да се врати на терените дури на почетокот на следната година.
🚨 𝙇𝘼𝙏𝙀𝙎𝙏 𝙉𝙀𝙒𝙎 | @MartinBraith to undergo surgery in the coming days
All the details: https://t.co/MQI1dvvaci pic.twitter.com/lHIvNlT7rS
— FC Barcelona (@FCBarcelona) September 13, 2021
Куман е во голема неволја бидејќи Лук де Јонг е единствениот напаѓач со кој располага. Покрај Брајтвајт, Серхио Агуеро беше повреден, а Антоан Гризман неодамна го напушти клубот.
Брајтвајт досега одигра три настапи за Барселона оваа сезона и постигна два гола и запиша една асистенција.
