Менаџерот на Челзи, Маурицио Сари, вчера ја испиша историјата на овој клуб, кој го презеде летото кога го наследи Антонио Конте.
Иако Челзи во некои од претходните години знаеше да е екстремно доминантен во Премиер лигата, никогаш не се случило да нема пораз во првите десет кола.
Оваа сезона, Челзи ја започна сезоната на брилијантен начин, а во првите десет натпревари во лигата славеше на седум натпревари, а запиша и три нерешени.
Единствениот пораз на Сари на клупата на Челзи всушност беше дебито кога загуби од Манчестер Сити со 2:0 во Комјунити Шилд.
Челзи, исто така, досега славеше во сите три европски натпревари, а во Купот Карабао го победи Ливерпул на Енфилд.
