Со 7 бода повеќе од второпласираниот Лацио, Јувентус се кандидира за деветта последователна титула, но со останување од осум кола до крајот, тренерот Сари повикува на максимална концентрација.
„Разликата од 7 поени ни дава сигурност, но не можеме воопшто да бидеме мирни, бидејќи во овие моменти, со натпревари на секои три дена, дури и екстремно мала грешка може скапо да чини“, рече тренерот на бело-црните.
Утревечер, Јувентус ќе отпатува во „Сан Сиро“ за да се соочи со Милан, тим кој во саботата му одржа горко предавање на Лацио, додека Сари признава дека предизвикот воопшто нема да биде лесен.
„Милан секогаш нè ставаше во неволја во текот на оваа сезона, па утре треба да бидеме внимателни, затоа што тие доаѓаат со многу висока мотивација. Ќе имаме две многу важни отсуства како Де Лихт и Дибала, но дури и оние кои ќе играат, ќе бидат на вистинско ниво да ги заменат. За проширен персонал се зборуваше многу, но во моментов немаме повеќе од 15 играчи, па затоа мора да бидеме внимателни “, рече Маурицио Сари.
