Двајца играчи сигурно ќе го пропуштат првиот натпревар на Англија на Светското првенство во Катар. Станува збор за Џејмс Медисон и Кајл Вокер. Веста ја потврди селекторот Герет Саутгејт.
„Трите лава“ стартуваат против Иран. Натпреварот е утре од 15 часот. Останатите селекции во групата се Велс и САД.
„Малку е рано за Кајл Вокер, но тој добро се опоравува. Џејмс не можеше да тренира откако пристигнавме и нема да може да игра утре“, објави Саутгејт.
„Треба да размислиме за многу работи при изборот на составот. Има рамнотежа во групата. Искуството во такви моменти е важно бидејќи не секој играч знае како е да се носи репрезентацијата на Англија. Понекогаш не знаете како луѓето ќе реагираат додека не се најдат во таква ситуација. Играчите како Рахим Стерлинг и Хари Мегваер се претставија на ниво под рефлекторите и се навикнати на нив да се потпираат“, додаде селекторот на Англија.
