Реал Мадрид одигра пријателски натпревар против Арсенал минатата ноќ во склоп на турнејата во САД.
По првото полувреме избраниците на Зинедин Зидан губеа со 2:0, но успеаја да се вратат и на крај да победат на пенали.
Асенсио, поради повреда мораше да го напушти теренот, и сите се надеваа дека тестовите ќе покажат дека повредата не е тешка.
Од Реал Мадрид се огласија, и ја објаснија ситуацијата.
„По тестовите, беше откриено дека тој ќе биде опериран во следните неколку дена”, стои во соопштението на Реал.
Изгледа дека Асенсио уште долго ќе чека да влезе на теренот, што во голема мера ги нарушува плановите на Зидан.
