Роберто Фирмино (30) би можел да го напушти Ливерпул до крајот на летниот преоден рок.
Искусниот бразилски напаѓач веќе седум години е жител на „Енфилд“, но наскоро би можела да заврши соработката меѓу двете страни.
Извесно е дека Фирмино нема да биде прв избор на Јирген Клоп оваа сезона и лесно може да се случи тој да го напушти клубот во наредниот период.
Турските медиуми пренесуваат дека 30-годишниот напаѓач веќе започнал преговори за трансфер во Фенербахче. Интересот на истанбулскиот гигант е огромен и Фирмино би можел да направи неочекуван трансфер.
🎯 Ajansspor Özel 🎯
🟡🔵 Fenerbahçe, Roberto Firmino'yu renklerine bağlamak için görüşmelere başladı. pic.twitter.com/qBIOyFSBgu
— Ajansspor (@ajansspor) July 12, 2022
Бразилскиот фудбалер освои апсолутно се што можеше во претходните седум години со „црвените“. Тој одигра вкупно 327 натпревари и постигна 98 голови.
Ќе видиме дали на крајот Фирмино ова лето навистина ќе ги напушти редовите на англискиот гигант, но разговорите за преселба во Фенербахче наводно се многу сериозни.
Роберто Фирмино пред Ливерпул го носеше дресот на германски Хофенхајм, а во родниот Бразил дресот на Фигуеиренсе.
