Неочекувана криза е во Челзи откако Роман Абрамович доби санкции во вид на „замрзнување“ на имотот во Британија од Владата на Велика Британија.
Значи, Абрамович не може да продава имот или било каков вид на купување на Островот, а меѓу санкционираните е и Челзи кој имал намера да го продаде, но сето тоа сега е прекинато.
Ова не е крај на маките за Челзи.
Угледниот „Телеграф“ пренесува дека гостување на Челзи кај Лил во реваншот од осминафиналето на Лигата на шампионите, е под знак прашалник.
„Сините“ се ограничени да потрошат повеќе од 20.000 фунти за една посета, а им требаат многу повеќе пари за да заминат во Франција.
Исто така, Челзи би можел да го загуби спонзорството од 40 милиони евра од телекомуникациската компанија, додека други спонзори размислуваат за соработка со тимот од Лондон по новите санкции кон Роман Абрамович.
NEW: Telecommunications company Three confirm to @TimesSport that their £40million a year sponsorship deal with Chelsea is now ‘under review’. More sponsors likely to follow.
— Matt Lawton (@Lawton_Times) March 10, 2022
Извесно е дека претстојат неизвесни денови за Челзи, а во случај да не замине во Франција на реваншот против Лил, кој е закажан за в среда, на 16 март, УЕФА треба да го даде последниот збор.
