Барселона се ослободи од еден од играчите кои долго време беа вишок.
Веќе некое време Ноу Камп бара начин да се ослободи од играчите кои заработуваат огромни пари и не се во прв план. Меѓу нив е и Филипе Кутињо.
Кутињо во последните недели беше поврзуван со голем број клубови. Најмногу со оној од ПЛ каде ќе ја продолжи кариерата.
Познатиот трансфер гуру Фабрицио Романо во петокот наутро објави дека Кутињо ќе стане нов играч на Астон Вила и дека се уште се чека официјална потврда.
Philippe Coutinho’s set to join Aston Villa on loan from Barcelona, done deal and here-we-go! Agreement completed after direct contact today morning 🇧🇷🤝 #AVFC
Loan until end of the season. Aston Villa will pay main part of the salary. Announcement today as per @tjuanmarti. #FCB pic.twitter.com/O4a93ftszY
— Fabrizio Romano (@FabrizioRomano) January 7, 2022
Барселона и Астон Вила постигнаа договор по директен контакт денеска, а се работи за позајмица до крајот на сезоната.
Англискиот клуб ќе ги покрие трошоците за плата на бразилскиот фудбалер, што значи дека Барселона ќе го растерети буџетот и ќе може да го регистрира Феран Торес.
Овој трансфер значи и ново обединување на Кутињо и Џерард кои пред неколку години играа заедно во Ливерпул.
Одењето во Астон Вила не значи дека Барселона трајно се ослободила од бразилскиот офанзивец, бидејќи овој 29-годишен фудбалер има договор со Каталонците до летото 2023 година.
