Баерн успеа да убеди некои ѕвезди да останат, но некои сепак сакаат да си одат.
Томас Мулер и Мануел Нојер беа подготвени да останат и да потпишат нови договори, но Роберт Левандовски изјави – нема намера да потпише нов договор. Полјакот е обврзан со договор до летото 2023 година, а сега клубот мора да одлучи дали ќе го продаде летово по поевтина цена или ќе го пушти на слобода и без обештетување на крајот на следната сезона.
Во меѓувреме има тензии со Серж Гнабри, кого Хасан Салихамиџиќ и сите во Баерн многу го ценат, но има исклучително високи барања.
„Тој е да одлучи. Тоа момче е фантастично и би бил многу среќен да го задржам. Немаме неограничена сума на пари, а веќе „проширивме“ некои контакти за да го задржиме срцето на тимот“, кажа Салихамиџиќ.
Договорот на ѕвездата на Баерн истекува во 2023 година и треба да биде продолжен. Германскиот репрезентативец веќе подолго време има многу добра понуда која би требало да му обезбеди приход од 17 до 19 милиони евра во случај на продолжување на договорот по 2023 година.
Германски Билд смета дека тоа е максималната сума што Баерн е подготвен да му ја даде, а Гнабри наводно е разочаран што сето тоа оди премногу бавно и не е задоволен од тоа како клубот се однесува кон него.
Сепак, тој се уште не ја одбил понудата на Баерн, а се чини дека веќе не брза да потпише нов договор и смета дека времето му игра. По завршувањето на сезоната, тој може да избере да се пресели во кој било друг клуб како слободен.
Нешто слично направи и Давид Алаба и на крајот се пресели во Реал Мадрид. Тој наводно одбил 19,5 милиони евра од Баерн, сега заработува околу 19 милиони во Реал, но само за потпис добил дополнителни 17,7 милиони евра.
А Реал гледа на Гнабри како едно од решенијата откако пропадна можноста да го доведе Килијан Мбапе, кој на крајот реши да остане во ПСЖ.
