Ливерпул во неверојатен натпревар го победи Њукасл по пресвртот од 2:1 во петтото коло од Пл.
Во текот на викендот „црвените“ на домашен терен го декласираа Борнмаут со 5:0, но со многу труд успеаја да победат против Њукасл со гол во 98. минута од натпреварот.
На почетокот на натпреварот го гледавме почетниот тест на силите, но веднаш беше јасно дека Њукасл не дојде на „Енфилд“ да се брани и дека ќе се обиде да ги искористи своите можности.
Гостите се заканија во 18. минута кога Фрејзер се обиде од врвот на шеснаесетникот, но топката мина над голот.
Првата вистинска шанса Ливерпул ја имаше во 21. минута. Имаше шанса за Луис Дијаз кој шутираше од добра позиција, но во последен момент еден од дефанзивците на гостите се лизна и успеа да го спаси својот тим.
А потоа во 38. минута молк на „Енфилд“. По една одлична акција, Њукасл успеа да поведе со 1:0.
Во центарот на вниманието беше Александар Исак, кој пред неколку дена потпиша за Њукасл, а вечерва во дебито за својот нов клуб успеа да постигне гол на гостински терен против Ливерпул.
Њукасл го задржа водството, но Ливерпул излезе со сите сили за пресврт во вториот дел. Домашната екипа имаше среќа во 55. минута кога Исак постигна фантастичен гол, но истиот беше поништен поради офсајд.
Само шест минути подоцна црвените израмнија на 1:1. Салах додаде по десната страна и брилијантно му ја додаде топката на Роберто Фирмино, кој погодува за 1:1 и ја враќа надежта кај навивачите на Ливерпул.
До крајот на натпреварот Ливерпул на секој начин се обидуваше да победи, а кога сите го очекуваа крајот, Црвените постигнаа гол во 98. минута за 2:1 и остварија пресврт и победа.
По корнерот, голема гужва имаше во шеснаесетникот на гостите, каде најдобро се снајде Карваљо кој извонредно погоди за 2:1 и експлозија од ентузијазам на Енфилд. Њукасл беше на чекор до бод, но Ливерпул го покажа шампионскиот менталитет.
За одбележување е дека Вест Хем – Тотенхем вечерва ремизираа градско дерби во Лондон. Тотенхем водеше од 34. минута со автоголот на Керер, но Соучек им донесе бод на домашните во 55. минута кога ги постави конечните 1:1.
