Најдобриот фудбалер во Африка и шампион на „Црниот континент“ со Сенегал, Садио Мане ќе го пропушти Светското првенство во Катар, пренесува угледниот „Екип“.
Еден од најдобрите светски фудбалери се повреди вчера на натпреварот од германската Бундес лига во кој неговиот Баерн победи против Вердер Бремен со 6:1.
По 15 минути Мане се пожали на повреда, легна на теренот на „Алианс Арена“ и побара смена од тренерот Нагелсман.
Сите во Сенегал се надеваа дека се ќе биде во ред со капитенот, но се покажа дека тој се здоби со повреда на тетивата и поради тоа Мане ќе мора да го пропушти најголемото шоу на светот.
INFO L'EQUIPE. Sorti sur blessure lors de la victoire du Bayern Munich face au Werder Brême (6-1) mardi soir, le Sénégalais Sadio Mané ne disputera pas la Coupe du monde (20 novembre – 18 décembre). https://t.co/R02vL40Kxo pic.twitter.com/dNZOZxRpnx
— L'Équipe (@lequipe) November 9, 2022
Шансите на африканскиот првак драстично паднаа, а Сенегал на Мундијалот ќе игра во групата А заедно со домаќинот Катар, Еквадор и Холандија.
