Еден Азар пристигна во Реал Мадрид во летниот преоден рок во 2019 година од Челзи, но не ги исполни очекувањата.
Во Реал Мадрид го гледаа Азар како новиот Роналдо, односно се надеваа дека белгискиот репрезентативец ќе го надополни заминувањето на Роналдо, кој замина во Јувентус претходната година.
Како и да е, игрите што Азар ги обезбеди во Челзи не се повторија во Реал, а откако пристигна во Мадрид се мачи со повреди, така што неговите добри изданија во „кралскиот дрес“ може да се избројат на прстите на едната рака.
Оваа сезона, работите почнаа да одат малку подобро за Азар. Одигра седум натпревари во Ла Лига, не мина 90 минути на ниту еден од нив на теренот, но кога изгледаше дека полека влегува во форма, повторно почна да чувствува болки во мускулите.
Го пропушти дуелот со Атлетик Билбао, а нема да настапи на вечерашниот натпревар со Шахтјор во Лигата на шампионите. Тренерот на Реал, Карло Анчелоти на прес -конференцијата зборуваше за фудбалерот на Белгија и проблемите со кои се соочува.
“Азар е уморен од овие проблеми. Тој не е повреден, но неговите мускули се преоптоварени”, истакна Анчелоти, додавајќи:
“Еден е највознемирен. Мислам дека ќе може да игра со Барселона или Осасуна”.
Да потсетиме, по две одиграни кола Реал е на второто место во групата Д од Лигата на шампионите со три бода.
