Манчестер Сити го потврди она што веќе подолго време е познато – актуелниот капитен на Граѓаните Илкај Гундоган ќе замине во Барселона без обештетување.
На германскиот репрезентативец му беше понуден нов договор во Сити, но тој реши да си замине и да потпише двегодишна соработка со Каталонците.
„Манчестер беше мојот дом и се чувствував како да сум дел од посебно семејство Сити“, изјави Гундоган и додаде дека е привилегија и задоволство да се игра за „граѓаните“.
Thank you, @IlkayGuendogan 🩵🎱 pic.twitter.com/7cLYERLSZN
— Manchester City (@ManCity) June 26, 2023
Во сезоната зад нас, 32-годишниот играч од средниот ред одигра 51 натпревар и постигна 11 голови и беше еден од клучните играчи во походот кон тројната круна.
Гундоган пристигна во Манчестер Сити во 2016 година од Борусија Дортмунд, одигра вкупно 304 натпревари и постигна 60 голови. За време на неговите седум години на Етихад стадионот, тој освои 14 трофеи – пет титули во Премиер лигата, една Лига на шампиони, два ФА Купа, четири Лига Купа и два Комјунити Шилд.
Thank you, Ilkay 🩵@IlkayGuendogan is to join Barcelona bringing an end to a hugely successful seven-year stay with Manchester City pic.twitter.com/ifdOY0O91S
— Manchester City (@ManCity) June 26, 2023
