Неверојатна грешка видовме денеска при извлекувањето на осминафиналните двојки од Лигата на шампионите.
Во центарот на скандалот беше Манчестер Јунајтед, кој првично беше извлечен во пар со Виљареал, иако беше јасно дека не може да игра во осминафиналето бидејќи се сретна во групната фаза.
Потоа настана тотална конфузија бидејќи не беше јасно од каде доаѓа Манчестер Јунајтед на таа ждрепка, а набргу потоа Виљареал за противник го доби Манчестер Сити.
Но, скандалот продолжи и после тоа. Следуваше Атлетико Мадрид кој само не можеше да игра против Ливерпул бидејќи се сретна во група, а потоа домаќинот рече дека не може да игра ниту против Манчестер Јунајтед.
Тој потенцираше дека Јунајтед е извлечен, што е точно бидејќи се работи за грешка, а „црвените ѓаволи“ не биле меѓу можните противници на Атлетико Мадрид, иако морале да бидат таму.
Атлетико Мадрид на крајот го доби Баерн, а шпанскиот клуб не може да поверува што се случи на ждрепката.
Тие се огласија на Твитер и потврдија дека преговараат со УЕФА и бараат објаснување зошто се случува ваков циркус на ждрепката за осминафиналето на Лигата на шампионите.
We are in talks with UEFA to ask for explanations and a solution after the mistakes made in the Champions League round of 16 draw.
— Atlético de Madrid (@atletienglish) December 13, 2021
УЕФА набргу потоа објави и потврди дека целата ждрепка ќе се повтори! Новото извлекување ќе се одржи во 15 часот.
As a result of this, the draw has been declared void and will be entirely redone at 1500 CET.
— UEFA (@UEFA) December 13, 2021
