Во последниот натпревар од саботната програма од петтото коло на англиската Премиер лига, Манчестер Јунајтед го совлада Њукасл со 4:1 на Св. Џејмс Парк.
Њукасл добро го отвори мечот, па поведе во втората минута со несреќен автогол на Лук Шоу, но Манчестер брзо се врати.
Прво, голот на Бруно Фернандеш во 20-тата минута беше поништен поради недозволена позиција на Хуан Мата, а потоа три минути подоцна беше Мата кој го изведе корнерот, а Хари Мегваер погоди со глава за 1:1.
Во 58. минута, пенал за Јунајтед, но ударот на Фернандеш вечерва го одбрани расположениот Дарлоу. И кога се чинеше дека Јунајтед може повторно да разочара, следеше одличен крај на натпреварот.
Прво Маркус Рашфорд мајсторски изигра со Фернандеш во 86-та минута за пресврт на „црвените ѓаволи“, потоа во 90-та минута повторно одлична топка на Рашфорд, овој пат за Ван-Бисаку кој постигна гол, а во последните секунди самиот Рашфорд ги постави конечните 4:1 по долгата топка на Фернандеш.
Ова е втора победа на Манчестер и со шест освоени бода е само на 14-то место, но секако овие три бода ќе му дадат ветер на грбот на тимот на Оле Гунар Солскјер.
