По победата на Манчестер Сити од 7:0 над Лајпциг во осминафиналето од Лигата на шампионите, Пеп Гвардиола изјави дека неговиот тим не е најдобар во Европа, туку дека тоа место му припаѓа на Наполи. Италијанскиот тим оваа сезона брилјира и во Серија А и во Европа, а тренерот Лучијано Спалети изјави дека пофалбите на колегите ги зема со резерва.
„Не сум горд на зборовите на Гвардиола. Всушност, не чувствувам ништо за нив. Ги знам оние игри кои ги користат тренерите за притисок врз противникот“, изјави Спалети.
Италијанскиот стручњак смета дека Наполи и Манчестер Сити не можат да се споредуваат.
„Навистина, дали треба да го ставиме Наполи пред Сити? Претпоставувам дека има причина зошто тие можат да потрошат 900 милиони евра, а ние имаме само девет. Сакаат да не кренат, за полесно да не срушат на дното“, изјави лутиот Спалети.
Наполи го исфрли Ајнтрахт во осминафиналето од Лигата на шампионите и се пласираше во четвртфиналето за кое противникот ќе го дознае во петок за кога е закажана ждрепката.
