Откако Лионел Меси го извести раководството на Барселона дека сака да ја напушти Барселона, сето тоа стигна до медиумите, а потоа и до навивачите.
Започна лавина незадоволство кај навивачите на Барселона, а тие бараат водечките луѓе да го напуштат клубот, затоа што не се задоволни од начинот на кој го водат.
Веднаш беше свикана итна средба во просториите на клубот, а навивачите се собраа да протестираат против раководството.
Според шпанските медиуми, средбата завршила пред неколку минути. Неколку директори на Барселона, како што неофицијално е соопштено, дадоа оставки.
Другите решија да потпишат иницијатива за недоверба на претседателот, за да се обидат да го отстранат од позицијата.
Не чека бурен период во Барселона, па големо прашање е како сè ќе заврши на крајот.
