Легендарниот Стивен Џерард овојпат се враќа во Премиер лигата како тренер.
Астон Вила потврди дека Стивен Џерард е нов тренер на клубот од Бирмингем, што го пренесоа водечките медиуми на Островот.
Aston Villa Football Club is delighted to announce the appointment of Steven Gerrard as our new Head Coach. 🟣
— Aston Villa (@AVFCOfficial) November 11, 2021
Раководството на англискиот великан реши да му врачи отказ на 50-годишниот Смит по три години соработка, по пет последователни порази во Премиер лигата.
Сигурно е интересно што Дин Смит е најголемиот кандидат за преземање на шкотскиот великан Ренџерс, тимот кој Џерард го врати во врвот на шкотскиот фудбал.
Стивен Џерард ја започна својата менаџерска кариера во 2017 година во младинските категории на Ливерпул, каде што ја помина целата своја кариера како фудбалер.
Сепак, тој остана таму кратко време затоа што не можеше да го одбие повикот од Ренџерс од Глазгов и направи навистина одлични работи таму.
Тој минатата година успеа да ги врати Ренџерс на врвот на шкотскиот премиерлигаш и да ја освои титулата по една деценија големо страдање и огромни проблеми во клубот.
Сега Џерард ќе има уште една сериозна задача, а тоа е да го извлече поранешниот европски првак од резултатската криза и во наредниот период да се обиде да го направи тимот од Бирмингем конкурентен за врвот на табелата во англискиот премиершип.
