Судијата Рамон Абе стана првиот судија во историјата што го искористи новото правило и ги покажа скрстените раце. Тоа се случи во последната минута од натпреварот од Светското клупско првенство помеѓу Реал Мадрид и Пачука.
Реал Мадрид победуваше со 3-1 против Пачука, а во последната минута од судиското продолжение во второто полувреме, мексиканскиот капитен Густаво Кабрал го фаулираше Антонио Ридигер. Германскиот играч вербално возврати, а потоа го пријави кај судијата, дека 39-годишниот Аргентинец расистички го навредувал.
🚨Gustavo Cabral, jugador argentino del Pachuca, insultó a Rudiger de forma racista en pleno partido.
Le llamó “mono” en su cara en dos ocasiones.
El jugador avisó al árbitro brasileño que aplicó el protocolo y el incidente será investigado por FIFA.pic.twitter.com/hfTJsK0M25
— CR7STIANISMO🇪🇸🇵🇹 (@Cr7stianismo_) June 22, 2025
На видеото, можеше да се види како усните на Кабрал двапати изговараат „моно“, што на шпански значи „мајмун“, а судијата Абе, во согласност со новите правила, ги прекрсти рацете пред градите, сигнализирајќи активирање на специјалниот протокол на ФИФА против расизам. Протоколот на ФИФА против расизам има три фази: прво натпреварот се прекинува, потоа може привремено да се прекине, а во краен случај, целосно да се прекине ако инцидентите продолжат. Со оглед на тоа што до крајот на натпреварот останаа само неколку секунди, натпреварот се играше до крај, а ФИФА покрена дисциплинска постапка против Кабрал.
