Тренерот на Лајпциг, Марко Роуз, го тешеше линискиот судија Алесандро Џалатини по синоќешниот натпревар против Астон Вила.
Италијанскиот судија заплака по последниот свиреж на колегата Маурицио Маријани и се појави многу потресен, по што тренерот на Лајпциг му пријде и го утеши. Што навистина се случило беше откриено на прес-конференција на која шефот на стручниот штаб на германскиот тим одговори на прашањето што се случило со италијанскиот судија.
“Го прашав што се случува. Тој рече дека го одигра последниот натпревар денес, има 49 години и само што му донесовме дрес”, откри Роуз и продолжи:
„Убава и емотивна приказна. Му честитав и му кажав дека сега има повеќе време на располагање и дека треба да го искористи на вистински начин како и да се грижи за своето семејство“.
Џалатини е судија со значка на ФИФА од 2013 година, а меѓу другото судеше и на Евро 2020 и на Светското првенство две години подоцна. Крајот на кариерата го означува и збогувањето на Лајпциг од Лигата на шампионите, откако во првите шест натпревари доживеа исто толку порази, па во 2025 година ќе одигра два незначителни натпревари против Спортинг и Штурм Грац.
