Откако беше елиминиран од Севиља во Лига Европа, Манчестер Јунајтед го имаше само ФА Купот како вистинска шанса за трофеј. Ги има „црвените ѓаволи“ во полуфиналето и менаџерот Ерик Тен Хаг го гледа тоа како добра можност за уште еден трофеј.
Манчестер Јунајтед во битката за финалето на Вембли ќе го пречека Брајтон. Оваа сезона „црвените ѓаволи“ веќе го освоија Лига купот.
– Секој натпревар е тест, секоја сезона е тест. Мора да заслужите да го носите овој дрес. Исто е и кога си менаџер. Сите сме во ист брод. Во текот на сезоната направивме напредок. Стекнавме искуство, но имаме уште работа. Ова е голема можност за нас, полуфиналето на ФА Купот. После тоа имаме уште големи натпревари за играчите да се докажат – изјави Тен Хаг .
Сè уште се чувствува горчливиот вкус да биде елиминиран од Европа од Севиља, а сите го вперуваат прстот кон капитенот Хари Мегваер, кој преживеа вистински тобоган под водство на Тен Хаг. Од човек кој не е ни во протоколот до стартер повторно.
– Тој има важна улога. Тој е капитен, комуницира со менаџерот, го мотивира тимот, дава пример.
Натпреварот помеѓу Манчестер Јунајтед и Брајтон на Вембли е закажан за в недела од 17:30 часот
