Голманот на Барселона, Марк-Андре тер Штеген, ги повика своите соиграчи да покажат карактер во Ел Класико со Реал Мадрид, во отсуство на најдобриот играч на Лионел Меси.
Аргентинецот се повреди во победата над Севиља 4:2 и ќе отсуствува три недели.
“Ако најдобриот играч во светот не е тука, би било чудно да не се чувствува разликата, но мислам дека го имаме вистинскиот карактер и индивидуален квалитет за да го надокнадиме тоа на најдобриот можен начин. Знам дека имаме фантастични играчи “, рече Тер Штеген и додава:
“Нема да се лажеме, тоа не е добра состојба и без сомнение, би сакале да биде со нас на теренот, но 100% верувам во оние кои ќе бидат на теренот. Тие поседуваат многу квалитет и треба да биде во фокусот, а не на тоа: “Што ако Лео…” Тоа не се брои, бидејќи тој не може да игра “.
Каталонскиот напаѓач Луис Суарес укажува дека сегашната форма не значи многу кога се игра дерби.
“Да, претходните резултати се земени предвид, но Класико е Класико. Мислам дека никој нема да размислува за емоционалната состојба на другите и минатите натпревари. Тоа е Класико”, вели Суарес.
Барса е на врвот на табелата со 18 поени, додека Реал е во криза и се наоѓа на седмата позиција, но со само четири поени помалку.
