Германскиот репрезентативец Тимо Вернер даде брутално искрена изјава.
Вернер покажа многу малку откако пристигна во Челзи од Лајпциг. Сезонава настапи на само 18 официјални натпревари и постигна шест гола, што секако е премалку за еден таков напаѓач.
Челзи за Вернер плати 53 милиони евра во јули 2020 година кога го донесе од Лајпциг и од тој момент до денес одигра 80 официјални натпревари и постигна само 18 гола со 17 асистенции.
Напаѓачот има договор со Челзи до летото 2025 година, а сега даде изјава која фудбалерите навистина не се осмелуваат да ја дадат, колку и да се очајни.
“Не знам зошто навивачите на Челзи ме поддржуваат толку многу. Како напаѓач, сакаш да постигнуваш што повеќе голови, а јас понекогаш пропуштам отворени можности и тоа страшно ме загрижува и нервира”, изјави Вернер.
И тренерот на Челзи, Томас Тухел, и навивачите на „сините“ веруваат дека Вернер порано или подоцна ќе „експлодира“ и ќе покаже дека е напаѓач кој може постојано да постигнува голови.
