Хари Кејн нема намера да го продолжи договорот со Тотенхем и изрази желба да ги напушти редовите на Спарс.
Сјајниот 27-годишен напаѓач е фрустриран од фактот дека неговиот тим не се бори за трофеи и наводно изразил желба да си замине.
Претходните денови се појави информација дека Кејн официјално побарал да биде продаден, но угледните англиски медиуми тогаш ја демантираа оваа вест.
Сепак, Кејн има желба да си замине, иако сè уште не го објавил тоа официјално, а угледниот волшебник за трансфери Фабрицио Романо тврди дека негова нова дестинација може да биде Манчестер Сити.
“Хари Кејн ќе одбие нов договор со Тотенхем. Манчестер Сити покажува сериозен интерес за него и планираат да започнат преговори за трансфер”, напиша Романо.
Harry Kane desire to leave Tottenham is confirmed.
He’s NOT handed in a transfer request but he hopes to find a solution.#THFC position: NO intention to sell Kane.
Kane would refuse a new contract, as of today.
Man City are seriously interested, planning to open talks. #MCFC
— Fabrizio Romano (@FabrizioRomano) May 19, 2021
Одличниот напаѓач во претходните години се поврзуваше со многу великани на европскиот фудбал. Тие го преселија од Барселона, па во Реал, Манчестер Јунајтед и Јувентус, но тој секогаш им остана верен на Тотенхем.
Сепак, очигледно постоеше заситеност. Кејн сака трофеи, свесен е дека нема да ги освои во Тотенхем и затоа е подготвен да си замине, но лондонскиот клуб нема намера да го продаде.
Кејн има одиграно 334 натпревари за Тотенхем од 2009 година и постигна 220 погодоци. Тој е обврзан со договорот до 2024 година.
Клубот го испрати и на позајмица, па тој играше за Лејтон, Милвол, Норич и Лестер.
