Стивен Жерард, денес тренер на Глазгов Ренџерс и поранешна икона на Ливерпул, призна дека Фернандо Торес „му го скрши срцето“.
Жерард открива дека имал посебна врска со Торес, но откако Шпанецот реши да се пресели во Челзи, поранешниот англиски репрезентативец беше во депресија.
“Ако ме прашате кој беше постојано најдобриот играч од ден на ден, Луис Суарез беше животно, но моите најдобри години беа со Фернандо Торес поради тоа како се чувствував. Не играв доволно со Торес затоа што тој отиде во Челзи и тоа ми го скрши срцето “, призна Жерард.
“Бев многу тажен кога тој замина. Во тоа време работевме да се доближиме што е можно поблиску до најдобрите клубови. Кога Торес беше тука, постигнав многу голови и бев на врвот на кариерата, се чувствував фантастично. Разбирам дека ситуацијата е различна за секого, луѓето имаат различни соништа и го избираат својот пат. Не се сите градски момци кои сакаат еден клуб, но ме боли кога некој ќе замине во секој случај. Се обидов да го убедам неговиот агент да остане, но немаше ништо од тоа“.
По толку многу години и разните играчи со кои играше, Жерард со посебни зборови зборува за Суарез и Торес.
“Причината поради која зборувам за нив двајца е затоа што бев на врвот на мојата форма. Да, играв и со Фаулер, но во тоа време бев многу млад и сè уште зелен. Играв и со Овен, но таму честопати бев повреден и не бев во неговите најдобри години. Со Торес и Суарез беше совршен момент, уште повеќе со Торес. Во тие години чувствував дека можеме да играме против секого. Не ми беше грижа кој е нашиот противник додека бевме заедно на теренот “, рече тој.
