Навивачот на репрезентацијата на Велс, Кевин Дејвис, починал во Катар, јавуваат британските медиуми.
Овој 62-годишник беше на историскиот Мундијал кога со пријателите и синот пристигна неговата репрезентација. Според информациите, тој починал од природна смрт.
По повод оваа трагична вест се огласи и Фудбалскиот сојуз на Велс.
– Испраќаме најдлабоко сочувство до семејството на Кевин. Во постојан контакт сме со нив и тука сме да им помогнеме за што и да им треба – се вели во соопштението.
Mae CBDC yn cydymdeimlo efo teulu a ffrindiau Kevin Davies.
Our deepest condolences from everyone at the Football Association of Wales. Our thoughts are with Kevin’s family and friends at this sad time.
The FAW is in contact with Kevin’s family to help in whatever way we can. https://t.co/deXNX3Ai5d
— FA WALES (@FAWales) November 26, 2022
Репрезентацијата на Велс досега не се прослави на Светското првенство и има минимални шанси да се пласира во нокаут фазата. За тоа ќе и треба победа над Англичаните и да се надева дека ќе се поклопи резултатот од мечот меѓу Иран и Америка.
Засега по две кола имаат само еден бод, откако по ремито со Америка беа поразени од Иран со 2:0, голови во судиското надополнување.
