По само три натпревари во новата сезона во Серија А, Еузебио Ди Франческо доби отказ на клупата на Верона.
Верона беше поразена со 1-0 во Болоња во понеделникот вечерта и има три порази на почетокот на сезоната, а на клубот му останува само да му се заблагодари на Ди Франческо и да го замени.
Пред Болоња, Верона беше победена од Сасуоло и Интер, а Ди Франческо во моментов е рекордер со 19 последователни натпревари без победа во Серија А, и како тренер на Каљари и како тренер на Верона.
52-годишниот стручњак не се прослави во Италија во последните години. Пред Рома, тој ги водеше Пескара, Лече и Сасуоло, каде некако остави најмногу траги, а по Рома, тој беше тренер на Сампдорија, Каљари и Верона во кратки епизоди.
Освен Ди Франческо, Верона им се заблагодари и на неговите помошници, па во наредните денови ќе назначи комплетно нов стручен штаб.
Веќе за викендот, оваа екипа има тежок испит, бидејќи ќе биде домаќин на Рома предводена од Жозе Мурињо.
