Црвена звезда забележа изненадувачки убедлива победа од 5-0 над Фиорентина во дуелот меѓу двата тима одигран вчеравечер.
Она што е уште пољубопитно е што „ѕвездите“ ги постигнаа сите голови уште пред да поминат 30 минути од почетокот на натпреварот. Питер Олајинка го отвори резултатот во 8. минута, а Жан-Филип Красо го удвои само две минути подоцна . По уште четири минути погоди и Мирко Иваниќ . Во 23. минута Олајнка го постигна својот втор гол на натпреварот, а три минути подоцна Осман Букари од пенал зголеми на 5-0.
Full time.#forzaviola #fiorentina #stellarossafiorentina pic.twitter.com/arEGUUJOV0
— ACF Fiorentina (@acffiorentina) July 26, 2023
На овој начин Црвена звезда одлично се загреа за стартот на српскиот шампионат, со првиот првенствен натпревар на белградскиот гигант во новата сезона против Војводина во недела. Од друга страна, Фиорентина го претрпе првиот претсезонски пораз по ремито 1-1 со Парма и победата од 3-0 над Катанзаро на Димо Крастев . Следните контроли на „виолетовите“ се против Гросето (1 август) и Њукасл (5 август).
