Томас Тухел не се откажува од Роналд Араухо и стоперот на Барселона е апсолутен приоритет на Баерн Минхен.
Оваа вест неодамна ја откри добро информираниот Флоријан Плетенберг кој денеска го откри продолжението на приказната.
Според неговите сознанија, Томас Тухел во петокот имал личен телефонски разговор со уругвајскиот стопер за да му стави јасно до знаење дека го сака повеќе од кој било друг играч, било во зима или следното лето.
Но, во исто време, Плетенберг и сигурни извори во Каталонија откриваат дека Тухел тешко ќе го промени ставот на Араухо.
Тој веќе одби бројни профитабилни понуди кога преговараше за нов договор минатата сезона, а при потпишувањето доби и откупна клаузула од една милијарда евра.
Ставот на Барселона е јасен – доколку го сака Араухо, Баерн мора да ја плати целата сума, а ниту Араухо не се предомислил.
Тој е горд што ја поседува капитенската лента во отсуство на Тер-Штеген, знае дека е клучен играч и ќе биде столбот на Барса во годините што доаѓаат.
