Ернесто Валверде беше разрешен од Барселона минатиот месец, откако загуби во шпанскиот Супер куп против Атлетико Мадрид.
Валверде долго време беше мета на критики за резултатите на Барселона и на крајот беше отпуштен. Шпанскиот стручњак призна дека по неговото разрешување, тој решил да се одмори од фудбалот, и дека гледал само еден натпревар.
„Не гледав многу фудбал во претходните недели. Признавам дека гледав само еден натпревар и тоа беше натпревар на Кралскиот Куп помеѓу Атлетик Билбао и Барселона. Сакам да направам малку пауза од сè по три години кои беа многу заморни“, рече Валверде.
Тој призна дека нема да одмори премногу и дека целта му е да се врати на тренерската работа следната сезона.
„До крајот на сезоната дефинитивно ќе се одморам и ќе уживам во тоа. Јас немам планови за тоа да потрае премногу долго и очекувам да се вратам на тренерската работа следната сезона. Веќе има понуда, но е рано повторно да скокам во сето тоа”, додаде Валверде.
