Данскиот репрезентативец, Кристијан Ериксен пристигна во Интер на почетокот на оваа година, но епитетот засилување не беше оправдан.
Иако беше најавуван како големо засилување и фудбалер околу кој ќе се врти играта на Интер, Ериксен не успеа во тоа, па неговото заминување од миланскиот клуб е се поизвесно.
Наводно, Интер е подготвен да го продаде данскиот играч за врска, но сепак ниту една понуда не пристигнала на нивната адреса.
Неговите агенти го нудеа и на клубовите од Премиер лигата каде тој обезбедуваше одлични игри во Тотенхем, но никој не покажа интерес за неговиот ангажман.
Сепак, тоа не го обесхрабри Интер, односно клубот од Милано е подготвен да го испрати на позајмица со задолжителен откуп на договорот, а како што пишуваат италијанските медиуми, фудбалската судбина на Ериксен треба да се знае во следните неколку дена.
