Роберт Левандовски веќе неколку месеци е најдобриот фудбалер на светот, а каде што застана последно, ја продолжи и оваа сезона.
Одличниот Полјак изгледа незапирлив и веќе подолго време никој напаѓач не е толку смртоносен во казнениот простор на противникот, како „деветката“ на Баерн.
На дуелот со Ајнтрахт Франкфурт, искусниот голгетер стигна до совршен хет-трик откако постигна погодоци со двете нозе и со глава.
Ваквиот ефект беше проследен со епско соопштение од Баерн на социјалните мрежи. За оваа оригинална идеја Баварците користеа превод на Гугл.
Тие напишаа Роберт Левандовоски во преводот на англиски јазик, а одговорот беше: „Најдобрата 9ка во светот“.
Google Translate is never wrong 😉@lewy_official pic.twitter.com/wcDZMmhbCh
— FC Bayern (@FCBayernEN) October 24, 2020
Дека Баерн не претера, покажува и фактот дека полскиот репрезентативец веќе има десет гола на осум натпревари во сите натпреварувања оваа сезона.
