Нападнати се навивачите кои од Англија допатуваа во Бергамо за да го бодрат Манчестер Јунајтед.
Хулиганите се насекаде, особено во Италија. Поголемиот дел од навивачите кои навиваат за тамошните клубови имаат „лошо досие“, а исто така и навивачите на Аталанта, поточно хулиганите.
Овој пат тие ги „поздравија“ навивачите на Јунајтед, кои нападнаа во неделата вечерта.
Дваесетина хулигани на Аталанта успеале да упаднат во кафеана во која имало неколку навивачи на Јунајтед. Иако сè беше краткотрајно, имаше повреди, а еден навивач на Јунајтед се здоби со модринки.
Покрај тоа, повредена е и келнерка во паб, која побарала лекарска помош и на крајот поминала со неколку конци.
Полицијата веќе снимила видео од надзорните камери и почнала да го истражува инцидентот. Да потсетиме, вечерва од 21 часот во Бергамо се игра натпреварот од 4. коло од групната фаза на Лигата на шампионите меѓу Аталанта и Јунајтед.
Ова ќе биде многу важен натпревар во борбата за нокаут фазата со оглед на тоа што разликата меѓу водечкиот Јунајтед и третопласираната Аталанта е само два бода. Англичаните имаат шест, Виљареал и Аталанта по четири, додека на дното од групата се Јанг Бојс кои имаат три бода.
