Лионел Меси по 21 година заминува од Барселона. По се изгледа дека кариерата ќе ја продолжи во ПСЖ, иако на прес конференцијата изјави дека францускиот тим е само еден од неколкуте кои го бараат, па се уште не донел одлука.
На почетокот на прес конференцијата порача дека му е многу тешко.
-Не знам што да кажам. Не сум подготвен за ова. Тешко го поднесувам сето ова. Последната година навистина беше тешка поради ситуацијата од минатото лето. Јас и моето семејство верувавме дека ќе останеме бидејќи е ова мој дом. Ни беше прекрасно тука, но еве морам да кажам збогум, изјави Меси кој не издржа па се расплака за време на прес конференцијата.
Беше прашан и за заминувањето во ПСЖ.
-Се преговара, но ништо не е договорено, вели Меси, кој ја коментираше и фотографијата со Нејмар, Ди Марија, Паредес и Верати.
-Тоа беше случајно. Ги сретнав на Ибица и излеговме на вечера. Ме повикаа во куќата на еден од нив, се забавувавме и се фотографиравме. Се шегувавме, ми велеа да дојдам во ПСЖ, но сето тоа беше шега, изјави Меси.
This is the word of Leo #Messi: pic.twitter.com/k0btQ7k1py
— FC Barcelona (@FCBarcelona) August 8, 2021
