Руската инвазија на Украина ја погоди Европа и светот, а Русите беа погодени од различни санкции и мерки со надеж дека ќе ги повлечат своите воени трупи од соседната земја.
Иако санкциите траат со недели, Русите не се откажуваат од своите намери, а војната се уште трае. Мерките ги почувствуваа и руските спортисти. Руската репрезентација е суспендирана од сите натпреварувања, исто како и сите руски тимови, не само фудбалот, туку и кошарката, ракометот, одбојката и индивидуалните спортисти како тенисери или спортисти.
Роберт Левандовски, напаѓачот на Баерн и на полската репрезентација, е меѓу многуте кои го осудија рускиот напад. Тоа очигледно не му се допаднало на еден руски ТВ водител, па ги изгубил нервите и јавно ја искажал својата огорченост на телевизија.
“Ова го кажувам во свое име, програмата нема врска со тоа. Сакам репрезентацијата на Полска да биде најголемиот неуспех на Мундијалот, вклучувајќи го и Левандовски. Вие сте одвратни суштества”, изјави Антон Анимисов кој беше пренесен во живо на една од руските телевизии.
Anton Anisimov, host of Russia's official 2022 World Cup broadcaster:
"I want to say this specifically from myself, not on behalf of the channel. I wish the Polish national team the biggest fail at the World Cup, including Lewandowski. You are abominable critters."
It's on. pic.twitter.com/SUTZUTojkl
— Dom Andrzejczuk (@QuantumDom) March 30, 2022
Фрустрираниот водител не е санкциониран поради тоа што го направи, но за жал, Полјаците ќе играат со Левандовски на СП во Катар по победата над Шведска во плеј-офот, додека на Русите ќе им биде забранет влезот на Мундијалот поради споменатите санкции.
Инаку, Полска е една од земјите кои најмногу и помогнаа на Украина во овие тешки времиња, со тоа што прими милиони бегалци, испрати хуманитарна помош, но и оружје со кое Украинците повеќе од еден месец се бранат од рускиот окупатор.
