Екипата на Силекс со убедливи 6:0 славеше во пресметката со Вардар на домашен терен. Со ова најтрофејниот клуб се најде на 11-то место, кое носи директно испаѓање во Втората лига. Засега само Беласица има послаб учинок од „црвено-црните“. Токму против нив Вардар ја забележал последната победа и тоа во декември 2020-та. Осум кола по ред најтрофејниот клуб не знае за триумф.
А, Силекс одигра перфектно. По само три минути Ристов со еврогол од слободен удар го отвори резултатот. Во 15-та Карчевски зголеми на 2:0, резултат со кој заврши првиот дел. Потоа Ристов уште еднаш и Георгиев со хет-трик ја запечатија судбината на Вардар на овој меч.
ПМФЛ, недела 26.коло
Беласица – Македнија ЃП 0:2
Борец – Струга Трим Љум 0:1
Ренова – Шкендија 0:3
Силекс – Вардар 6:0
Сабота:
Работнички – Пелистер 3:1
Табела: Шкендија 59, Шкупи 49, Македонија ЃП 44, Струга Трим Љум 40, Работнички 39, Борец 33, Пелистер 32, Академија Пандев 31, Силекс 29, Ренова 27, Вардар 27, Беласица 14.
