Срамни сцени го одбележаа пристигнувањето на Атлетико Мадрид на натпреварот од Купот на Кралот против Реал Сосиедад.
Навивачите на Реал Сосиедад некако успеаја да се одвојат полициската придружба и автобусот во кој беа играчите на Атлетико, по што настана хаос.
Автобусот бил погоден од разни предмети, искршени се неколку стакла, а очекувано настанала паника.
Прв на одбранбената линија застана Диего Симеоне. Поради неговиот карактер додека беше играч многумина го нарекуваа „лудак“ што го покажа и во средата навечер.
Откако беше скршен прозорецот до седиштето на кој седеше Аргентинецот, тој стана и сам тргна да се пресмета со домашните навивачи, но за среќа возачот не ја отвори вратата и некако беше избегнат уште поголем инцидент.
Сите случувања пред натпреварот се одразија и на случувањата на теренот, каде Сосиедад славеше сигурна победа со 2:0 и продолжи понатаму.
