Македонија вечно ќе го памети Лестер Бо Мекејлеб. Токму со негова помош го направивме историскиот подвиг и завршивме на четвртото место во Литванија на континенталниот собир. Со неговата пожртввуаност, атрактивна игра, ги освои срцата на сите македонски фанови, кои нема да го заборават.
А, се чини дека и тој не ја заборава Македонија и фановите. На неговиот Инстаграм профил објави видео од забивањето на мечот со Велика Британија, одигран пред 10 години, поточно на 23-ти август 2010-та, и кој заврши со победа од 75:56. Овој меч беше во рамките од квалификациите, завршивме втори во групата зад В.Британија, се пласиравме на ЕП, а таму го освоивме 4.место. Во битката за бронзата загубивме до Русија.
