Англиската Премиер лига објави дека одлучила да го врати правилото за пет смени, кое стапи на сила во мај 2020 година поради пандемијата на коронавирус.
Последователно, Англија одлучи да не го задржи ова правило, иако светската фудбалска централа ФИФА и европското раководно тело – УЕФА дозволија да се применува.
Сега, сепак, клубовите повторно решија да го вратат прописот, кој се уште е во сила и поголемиот дел од првенствата во Европа.
Во Англија, правилото за пет смени беше суспендирано бидејќи помалите клубови протестираа со образложение дека им дава предност на побогатите тимови поради нивните подолги клупи.
Клубовите денеска го одобрија и времетраењето на летниот преоден рок кој годинава ќе се отвори на 10 јуни, а ќе се затвори на 1 септември.
Premier League Shareholders met today and discussed a range of matters.
Clubs agreed to change the rules relating to substitute players. From next season, clubs will be permitted to use five substitutions.
Full statement: https://t.co/Ub985Gl3Lj pic.twitter.com/T27WXiXbUM
— Premier League (@premierleague) March 31, 2022
