Во Барселона ќе добијат неочекуван приход! Каталонскиот клуб ќе наплати 50% од трансферната сума кога Хуан Миранда ќе се пресели од Бетис во Милан.
Веста ја пренесе каталонскиот весник „Спорт“. Таква клаузула во договорот имаше 23-годишниот дефанзивец при потпишувањето со клубот од градот Севиља.
Се очекува Миранда да биде префрлен во Милан во јануари. Тој ќе ги чини Росонерите околу 10 милиони евра.
Миранда е изграден од академијата на Барселона и има 10 настапи и 1 асистенција оваа сезона.
Тој е поранешен младински интернационалец на Шпанија, а од 2021 година е сопственост на „зелено-белите“ од Севиља. Пред тоа дефанзивецот играше и како резерва во Бетис.
