По големиот пресврт, фудбалерите на Лестер се пласираа во полуфиналето на Конференциската лига на УЕФА.
Во реваншот од четвртфиналето го совладаа ПСВ со 1:2 и по ремито во првиот натпревар 0:0 освоија билет за полуфинале и дуел против Рома.
ПСВ поведе со голот на Захави во 27. минута по додавањето на Геце. Во продолжение подобрата игра на Лестер, вистината беше дека ПСВ имаше свои шанси, а израмнувањето на гостите им го донесе Медисон со гол во 77. минута на асистенција на Перез.
Се играше во 88. минута кога Переира погоди за 1:2 и се покажа дека го доближи Лестер на чекор до европското финале.
За Лестер ова е историски резултат бидејќи никогаш досега не биле во полуфинале на европско натпреварување, а по последниот свиреж на судиите знаеја како да го прослават во Ајндховен со своите навивачи, а на стадионот на ПСВ имаше солидна група на симпатизери од Англија.
We absolutely love these full-time scenes 🤩 💙#PsvLei pic.twitter.com/I7MDVTkshJ
— Leicester City (@LCFC) April 14, 2022
Лестер сега ги очекува Мурињо и неговата Рома во полуфиналето, а другата полуфинална двојка од премиерното издание на Конференциската лига на УЕФА ја сочинуваат Феенорд и Марсеј.
