Во вториот натпревар од 26. коло на англиската Премиер лига, кој се одигра во неделата, Вулверхемптон на домашен терен го победи Лестер Сити со 2:1 (1:1) и ја продолжи серијата добри резултати.
Ова беше шеста победа за „волците“ во последните осум натпревари (во тој период имаат еден пораз и едно реми). Сега се на седмата позиција на табелата со 40 бодови.
„Лисиците“ се движат во спротивна насока на табелата во Премиер лигата – не знаат за триумф во последните пет натпревари во лигата. Моментално се 11-ти со 27 бодови.
GET IN! Back-to-back @premierleague wins 🙌 #WOLLEI
— Wolves (@Wolves) February 20, 2022
Во следното коло Вулверхемптон во четврток ќе гостува кај Арсенал, додека Лестер на 1 март ќе го продолжи натпреварувањето во ПЛ, гостувајќи кај Барнли. Во меѓувреме, тимот од стадионот „Кинг Пауер“ го очекува меч со данскиот Рандерс во рамките на шеснаесетфиналето на Конференциската лига.
