Герет Бејл не е во плановите на Зидан за следната сезона.
Бејл е отпишан од страна на тренерот на Реал Мадрид и на сите начини управата на Реал сака да се ослободи од Велшанецот.
Меѓутоа, тој нема намера лесно да го напушти Мадрид. Силно сака да остане во клубот, иако е јасно дека повеќе нема да игра.
Сепак, ако на крајот се случи да го напушти шпанскиот гигант, за неговата кариера постојат само две опции и тоа двете во Англија.
Тука се Тотенхем или Манчестер Јунајтед. За сега, Манчестер Јунајтед подготви подобри услови за него и можно е тој да биде дел од замената за Пол Погба.
Платата сепак е голем проблем. Никој не сака да му понуди 18 милиони евра, колку што годишно заработува во Реал, а тој не сака да се согласи за помала плата.
Ова на крајот би можело да доведе до откажување на Тотенхем од трката за Бејл. Спарсите не сакаат да го оптеретат буџетот и големи се шансите дека неговиот поранешен тим за многу кратко време би се откажал од неговото доведување.
Реал од другата страна сака да го искористи Бејл за да го доведе Погба во своите редови. Ќе се обидат да направат размена со доплата на пари, но Бејл е тој кој сега ги запира плановите.
Летото е долго. До септември некои работи би можеле да се променат и кој знае, можеби и Бејл ќе се предомисли и ќе одлучи да го напушти Реал Мадрид.
