Потпретседателот на Интер, Хавиер Занети инсистираше на тоа дека клубот не разговара со Барселона за продажба на Лаутаро Мартинез ова лето.
Аргентинскиот напаѓач на „Зика“ е мета на Роналд Куман во Барса и неодамна, шпанските медиуми објавија дека каталонскиот гигант ги продолжил разговорите за негово купување.
Ова е отфрлено од Занети, сепак, кој за „TyC Sports“ изјави дека Лаутаро понатаму сака да остане во Италија.
„Во неговиот случај, како млад играч со толку многу потенцијал, нормално е дека други клубови го бараат“, рече Занети.
„Но, она што го разбирам секој ден е дека Лаутаро сака да остане во Италија. Во моментов нема разговори меѓу Интер и Барселона“, подвлече тој.
„Среќни сме со него и знам дека овде е среќен“, додаде Занети.
