Барселона го обезбеди потписот на суперталентираниот напаѓач Руни Бардги од данскиот клуб Копенхаген, објави Фабрицио Романо.
Шведското чудо од дете Бардги (19) ќе стане нов фудбалер на Барселона на почетокот на јули, а фудбалерот кој игра и на позицијата десно крило ќе пристигне на „Камп Ноу“ за само 2 милиони евра со одредени бонуси.
🚨🔵🔴 More on Roony Bardghji story exclusively revealed this morning.
Barcelona and FC Copenhagen have planned to get the deal sealed from next week, beginning of July.
Details of the move: €2m transfer fee plus add-ons and sell-on clause.
Here we go, soon. ✅🇸🇪 pic.twitter.com/VJHlJpbAPl
— Fabrizio Romano (@FabrizioRomano) June 23, 2025
Бардги, кој е роден во Кувајт, има и шведско и сириско државјанство, а како 15-годишник решил да игра за Шведска, прифаќајќи повик во репрезентацијата до 17 години, за која постигнал 5 гола на 6 натпревари. На само 16 години, тој играл за репрезентацијата до 21 година на Шведска и постигнал 2 гола на 9 натпревари, а веќе е сериозен кандидат за своето деби во сениорската репрезентација. Тој пристигна во Копенхаген во 2020 година и оттогаш постигнал 15 гола на 82 настапи во сите натпреварувања, а се очекува да се приклучи на Барселона на почетокот од подготовките за претстојната сезона.
