Првиот јавен сервис во светот, англискиот „Би-Би-Си“, ги следи случувањата во „Сент Џејмс Парк“ и заедно со новите сопственици го бара наследникот на Стив Брус.
Њукасл е претпоследен на табелата во Премиер лигата со само три бода од осум натпревари. Клубот неодамна го презеде принцот на Саудиска Арабија, Мохамед бин Салман, еден од најбогатите луѓе на планетата, па сите само го чекаа моментот кога Стив Брус ќе добие отказ.
И тоа се случи во средата. За оние кои веруваат во малери, иако Брус навистина немаше голема шанса да преживее, неговото разрешување следеше точно 13 лоши денови по доаѓањето на новиот сопственик.
И што сега? Кого да донесете на жешката клупа? Има многу кандидати, а „Би-Би-Си“ се обиде да му помогне на богатиот принц со анкетирање на читателите. Единствено што му понудија беше прилично голема листа на кандидати. А на него, покрај претходно споменатите Жозе Мурињо, Антонио Конте, Пол Фонсека, Стивен Џерард, Френк Лампард…, тука се и Роберто Манчини, Роберто Мартинез, Рафа Бенитез…, но и Зинедин Зидан!
Легендата на Реал Мадрид моментално е без клуб и работа, а интересно е што во исто време се појавија информации дека го посакува и Манчестер Јунајтед. И ни помалку ни повеќе по препорака на Кристијано Роналдо. Познато е дека Оле Гунар Солскјер во моментов не ужива доверба од бројни фудбалски експерти на Островот, како и многу навивачи на Олд Трафорд.
Spanish journalist Eduardo Inda claims #ManUtd recently 'called Zidane after Ronaldo recommended him for manager job'.
🗣️"Newcastle also wanted him, but in the national team break, he had a call from Manchester United to replace Solskjaer."
[via @ManUtdMEN] pic.twitter.com/ElrdSwBp7w
— VBET News (@VBETnews) October 19, 2021
Во секој случај, Њукасл најавува огромни инвестиции и атрактивен проект, сличен на Манчестер Сити, па ќе видиме како ќе функционира. За почеток, со нетрпение се очекува нов менаџер…
Интересно, Антонио Конте моментално има најмногу гласови во анкетата на „Би-Би-Си“.
Antonio Conte? Steven Gerrard? Paulo Fonseca? Or someone else?
Vote below ⬇#nufc #bbcfootball
— BBC Sport (@BBCSport) October 20, 2021
